Friday 19 October 2012

srI siddhikAlI stotram

अथ श्रीसिद्धिकाली स्तोत्रम्  ||
श्री सिद्धिकालिकायै ||
अथ वक्ष्य महादेव्या स्तोत्रं सर्वज्ञ भाषितम |
पठनाद्भक्ति युक्तेन शक्रस्यैश्वर्यमाप्नुयात् |1|


ब्रह्मणा ब्रह्मशब्देन स्तुतात्वं परमेश्वरि |

इच्छाशक्तिं परां मायां सिद्धिकालीं नमाम्यहम् |2|

पालनाय जगद्देवि विष्णुनात्वं परापरम्  |

संस्तुता ज्ञानशब्देन सिद्धिकालीं नमाम्यहम् |3|

अपरां कालरुद्रेन संहारार्थं स्तुता शिवे |

त्वां क्रियां रुद्रशब्देन सिद्धिकालीं नमाम्यहम् |4|

ईश्वरेन लयार्थत्वां स्तुतासि चित्कलेव्यये |

कलातीतां महामायां सिद्धिकालीं नमाम्यहम् |5|

सदाशिवेन सततं स्तुतात्वं परमेश्वरि  |

अनुग्रहाय लोकानां सिद्धिकालीं नमाम्यहम् |6|

इदं स्तोत्रं पठेद्यस्तु भक्तियुक्तेन चेतसा 

तस्मै दद्यात् सिद्धिकाली सर्वसिद्धिर्न संशय: |7|

य: श्लोकपञ्चकं देवी नित्यं मनसि धारयेत् |

सर्वज्ञत्वं लभेद्देवि सिद्धिकाली प्रशादत:  |8|

यामासाद्य मया देवि प्राप्ता सिद्धिरनेकधा |

ब्रह्मापि सृष्टिकर्त्तात्वं विष्णु: स्यात् पालको भवेत् |9|

संहार कृत्कालरुद्र ईश्वरोलय कृत्सदा |

बहुनात्र किमुक्तेन सा देवी ध्यान मात्रत |10|

संजीवनेन मुक्ति: स्यात् सत्यं सत्यं मयोदितम्  |11|

इति श्री त्रिदशडामरे श्री सिद्धिकाली स्तोत्रं संपूर्णं | |

No comments:

Post a Comment